Ahmed Amer Ahmed

 يابة شلونكم ان شاء الله تكونون بخير وصحة يارب . . . وصلنا اليوم العشرين من هذا التحدي الجميل, التحدي خلاني التزم وارجع اعيد طريقة تفكيري وتعلمي عن الطرق التقليدية المملة. شاركت حتى اطور واقوي انكليزيتي واركض مسافات اطول, هدفي كان اطور واتخلص من مشاكل التحدث باللغة الانكليزية, وايضا حتى اركض 10 كيلو متر خلال ساعة او اقل من خلال هذا التحدي. التقدم الي حققته خلال ال10 ايام الثانية : - مستمر بتقوية سماعي للغة بطريقة افضل عن قبل بمشاهدة مسلسلي المفضل بدون ترجمة والتركيز على السمع والنطق وطريقة التفكير الانكليزي. وبنفس الوقت دامارس اللغة ويا روحي عن طريق المراية. - داستخدم نفس التطبيقات والمصادر الي استعملتها ببداية هذا التحدي وماغيرتها لان داستفيد منها هواي. - بمرور الوقت دابقى مستمر ع شغفي و5 ساعات يوميا خاصه بهذا التحدي. - تعلمت انو التحدي افضل طريقة حتى اتعلم واستمر بتعلم الشغلة الي اني حابها, ولازم اتحدى نفسي بين فترة واخرى حتى اتعلم شغلة جديدة, وهجي رح ابقى محافظ على طموحاتي واهدافي وداتقدم. - كلش حبيت فكرة التحدي ونطتني طريقة جديدة للتعلم او التعلم بشغف مضاعف وهذا الشي الي كنت افتقده

يابة شلونكم جميعا ان شاء الله تكونون بخير وصحة...   وصلنا اليوم العاشر من التحدي وهذي من افضل الايام بحياتي خلتني التزم واتعلم شغلات جديدة,شاركت حتى اقوي واطور انكليزيتي وايضا امارس رياضتي المفضلة الي هي الركض,يوميا عندي 5 ساعات اسمع واتعلم واقرا واحجي اللغة الانكليزية,وايضا اركض 5 كيلومتر اقل شي, هدفي جان الاستمرار يوميا حتى اطور انكليزيتي, وايضا اركض 10 كيلومتر خلال هذا التحدي. اما التقدم الي حققته بال10 ايام الراحت كالاتي: -سمعي صار اقوى للانكليزي وايضا حاجز الخوف والارتباك تخلصت من عنده وايضا داحاول احجي وافكر باللغة, تابعت لحد هسه من التحدي 36 حلقة من مسلسلي الامريكي المفضل بدون ترجمه (3 حلقات يوميا),وايضا داسمع podcast واني داركض,ومننسى حفظت اغنيتي المفضلة . -استخدمت تطبيق Cinamana حتى اتابع مسلسلي المفضل,وكتاب قصص قصيرة اسمه New-Yorkers , ومرايتي الجميلة,وتطبيق Podcast ,وخالو يوتيوب حتى اخذ جمل صعبة النطق وامرن لساني عليها,وايضا تطبيق Flyrun حتى يحسبلي تقدمي بالركض. -دالاحظ تقدمي باللغة الانكليزية ودياخذني الواهس 5 ساعات ومرات اكثر عكس قبل التحدي مجنت التزم بهجي وقت,وبل

يابه شلونكم ان شاء الله تكونون بخير وصحة يارب . . .   الفرق الي صار خلال هذي ال3 ايام كالاتي : - داحجي اكثر وديجيني واهس اكثر وافكار اكثر واني داتعلم لان داسمع هواي. - لساني احسه صار خفيف ومرن ويا الانكليزية الامريكية الاحبها بسبب القراءة والكلام ويا المراية. - كمت اعرف شلون ديفكرون بسبب مشاهدتي بدون ترجمة وبلشت افهم الانكليزي-انكليزي بدون اي عربي. - حسيت بالفرق واني داسجل الفيديو هسه. - ومرنت لساني على نطق جملة صعبة يسموها tongue twister challenge حتى ينفتح لساني للنطق واتخلص من التلعثم وعدم المرونة. - تابعت 12 حلقة من مسلسلي الامريكي المفضل خلال 3 ايام. - حفظت اغينيتي المفضلة الي هي Photograph Ed Sheeran وهذا شي كلش مميز عندي. - ركضت ل7 كيلو متر وان شاء الله رح اوصل ال10 كيلو قريبا. الاشياء الي دتساعدني حاليا هي : -  سينمانا حتى اتابع المسلسل الامريكي الي احبه -  استخدمت تطبيق Flyrun حتى احسب تقدمي برياضة الركض -  استخدمت كتاب صغير للقصص القصيرة اسمه New Yorkers -  ايضا داستعمل تطبيق podcast حتى اسمع طرق التحاور بين الاشخاص -  واستعمل مرايتي الجميلة حتى احجي ويا روحي الجميلة -  وعمو

يابه شلونكم ان شاء الله تكونون بخير وصحة يارب . . . الفرق الي صار خلال هذي ال3 ايام كالاتي : - داحجي اكثر وديجيني واهس اكثر وافكار اكثر واني داتعلم لان داسمع هواي - لساني احسه صار خفيف ومرن ويا الانكليزية الامريكية الاحبها بسبب القراءه والكلام ويا المرايه - كمت اعرف شلون ديفكرون بسبب مشاهدتي بدون ترجمه وبلشت افهم الانكليزي انكليزي بدون اي عربي - داحس بالفرق لمن اتعلم - رجعت اركض مسافات هواي بعد انقطاع اكثر من 6 اشهر بسبب كورونا, ركضت لحد هسه 5 كيلو متر والقادم افضل  - التحدي خلاني اعرف انو لازم ابلش واستمر حتى اتعلم الي رايدة بصبر الاشياء الي داتساعدني حاليا هي: -سينمانا حتى اتابع المسلسل الامريكي الي احبه -استخدمت تطبيق Flyrun حتى احسب تقدمي برياضة الركض -استخدمت كتاب صغير للقصص القصيرة اسمه New Yorkers -ايضا داستعمل تطبيق podcast حتى اسمع طرق التحاور بين الاشخاص -واستعمل مرايتي الجميلة حتى احجي ويا روحي هذي صور توثق تقدمي: وهذا فيديو ايضا رح اوضح بي شنو سويت خلال ال3 ايام بس بالانكليزي: القادم افضل . . . 

يابه شلونكم ان شاء الله تكونون بخير وصحة جميعا   . . . اني احمد عامر. واشتغل كمبرمج ويب وورد بريس(فريلانسر). حلمي ان اتكلم اللغة الانكليزية الامريكية بطلاقة صارلي سنين. هذا الشي كلش حابه ودياخذ جزء كلش كبير من تفكيري انو مرح اكدر اوصل للمستوى الي اني اطمح ان اوصلة. عندي اكثر من تجربة بتحدث اللغة الانكليزية اهمها لمن نقبلت بمنحة " seeds for the future " ويا شركة هواوي اونلاين صارت وجان لازم انو اتحدى نفسي حتى امثل بلدي بصورة رائعة وهذا الرابط لفيديو بصفحتي الشخصية بالفيس بوك جان اول فيديو باللغة الانكليزية الي: رابط الفيديو وهسه من خلال منحة ال29 يوم الي اطلقها الصديق مرتضى التميمي رح اتحدى نفسي لمدة 29 يوم, 3 ساعات يوميا ,اتعلم هذي اللغة العالمية الجميلة الي رح تفتحلي هواي مجالات بعد ما اتخرج واحصل على ظيفة محترمة. جدولي رح يكون:  - تعلم من خلال المسلسلات الامريكية بدون ترجمة - وامارس اللغة ويا نفسي بالمراية - واقرا كتب وقصص قصيرة بصوت عالي - ايضا رح اركض يوميا لمدة ساعتين حتى اكون نشيط للتعلم واحافظ على هدفي هدفي بنهاية هذي الفترة انو اكدر اتكلم الانكليزية بدون تلع