تحدي ال٢٩ يوم - الانطلاقة من هنا

يابه شلونكم ان شاء الله تكونون بخير وصحة جميعا  . . .

اني احمد عامر. واشتغل كمبرمج ويب وورد بريس(فريلانسر). حلمي ان اتكلم اللغة الانكليزية الامريكية بطلاقة صارلي سنين. هذا الشي كلش حابه ودياخذ جزء كلش كبير من تفكيري انو مرح اكدر اوصل للمستوى الي اني اطمح ان اوصلة.

عندي اكثر من تجربة بتحدث اللغة الانكليزية اهمها لمن نقبلت بمنحة "seeds for the future" ويا شركة هواوي اونلاين صارت وجان لازم انو اتحدى نفسي حتى امثل بلدي بصورة رائعة وهذا الرابط لفيديو بصفحتي الشخصية بالفيس بوك جان اول فيديو باللغة الانكليزية الي:

رابط الفيديو

وهسه من خلال منحة ال29 يوم الي اطلقها الصديق مرتضى التميمي رح اتحدى نفسي لمدة 29 يوم, 3 ساعات يوميا ,اتعلم هذي اللغة العالمية الجميلة الي رح تفتحلي هواي مجالات بعد ما اتخرج واحصل على ظيفة محترمة. جدولي رح يكون:

 - تعلم من خلال المسلسلات الامريكية بدون ترجمة

- وامارس اللغة ويا نفسي بالمراية

- واقرا كتب وقصص قصيرة بصوت عالي

- ايضا رح اركض يوميا لمدة ساعتين حتى اكون نشيط للتعلم واحافظ على هدفي

هدفي بنهاية هذي الفترة انو اكدر اتكلم الانكليزية بدون تلعثم واقوي سماعي للغة وبنفس الوقت رح احفظ اغنيتي الانكليزية المفضلة.

 

رح اتابع دورة Emma باليوتيوب لان كلش احب اسلوبها وبنفس الوقت رح اتابع مسلسلات امريكية على  تطبيق Cinemana.

 

اثناء التعلم رح يكون عندي ساعة يوميا استمع الى بودكاست وكتب مسموعة

 

كلش حاب هذا التحدي واوعدكم رح احاول احافظ على شغفي بالتعلم ورح اوصل لهدفي.

 

ترقبونا 😊