تحدي ٢٩ يوم - مدونة اليوم ٢٠

 يابة شلونكم ان شاء الله تكونون بخير وصحة يارب . . .

وصلنا اليوم العشرين من هذا التحدي الجميل, التحدي خلاني التزم وارجع اعيد طريقة تفكيري وتعلمي عن الطرق التقليدية المملة.

شاركت حتى اطور واقوي انكليزيتي واركض مسافات اطول,

هدفي كان اطور واتخلص من مشاكل التحدث باللغة الانكليزية, وايضا حتى اركض 10 كيلو متر خلال ساعة او اقل من خلال هذا التحدي.

التقدم الي حققته خلال ال10 ايام الثانية :

- مستمر بتقوية سماعي للغة بطريقة افضل عن قبل بمشاهدة مسلسلي المفضل بدون ترجمة والتركيز على السمع والنطق وطريقة التفكير الانكليزي. وبنفس الوقت دامارس اللغة ويا روحي عن طريق المراية.

- داستخدم نفس التطبيقات والمصادر الي استعملتها ببداية هذا التحدي وماغيرتها لان داستفيد منها هواي.

- بمرور الوقت دابقى مستمر ع شغفي و5 ساعات يوميا خاصه بهذا التحدي.

- تعلمت انو التحدي افضل طريقة حتى اتعلم واستمر بتعلم الشغلة الي اني حابها, ولازم اتحدى نفسي بين فترة واخرى حتى اتعلم شغلة جديدة, وهجي رح ابقى محافظ على طموحاتي واهدافي وداتقدم.

- كلش حبيت فكرة التحدي ونطتني طريقة جديدة للتعلم او التعلم بشغف مضاعف وهذا الشي الي كنت افتقده.

- متفاجأ بطريقة التزام العقل البشري بالطموح والاهداف والشغف من خلال تحدي وشكد أثر بيه هذا التحدي. وايضا اصدقائي الي ممشاركين بالتحدي وديركضون وياي بنفس الشغف.

- مستمر ع نفس الهدف الي وضعته ببداية التحدي, واني متأكد رح احقق طموحي بنهاية هذا التحدي,

اما ال10 ايام الاخيرة من التحدي اكيد لازم اكون:

1- ركضت 10 كيلو خلال ساعة.

2- حفظت اغنيتي المفضلة.

3- طورت من انكليزيتي.

بالختام اني ممتن ل:

1- الصحة الي بدونها ماكدر اسوي شي.

2- التحدي الي خلاني افكرواتعلم بطريقة مختلفة تماما.

3- نعمة العلم والتعلم الي تزيد من معرفة الانسان.